Meri KHak Mein Wila Ka Na Koi Sharar Hota

meri KHak mein wila ka na koi sharar hota

na hi dil se aag uThti na ye be-qarar hota

mere sar pe hath rakhna jo tera shiar hota

main na dar-ba-dar bhaTakta kahin aar-par hota

main rahin-e-qalb-e-muztar tu charagh-e-shadmani

teri mahfil-e-tarab mein kahan dil-figar hota

teri be-KHudi ne ai dil kisi kaam ka na chhoDa

teri baat Tal deta to na KHud pe bar hota

tere husn ki kahani meri chashm-e-tar se nikli

main na ashk-bar hota to na aashkar hota

agar is pe baiTh jata koi murgh-e-na-umidi

mera naKHl-e-arzu phir kahan saya-dar hota

(646) Peoples Rate This

Your Thoughts and Comments

Meri KHak Mein Wila Ka Na Koi Sharar Hota In English By Famous Poet Zulfiqar Naqvi. Meri KHak Mein Wila Ka Na Koi Sharar Hota is written by Zulfiqar Naqvi. Read famous Poem Meri KHak Mein Wila Ka Na Koi Sharar Hota for youth and Student by Zulfiqar Naqvi. Free Download Meri KHak Mein Wila Ka Na Koi Sharar Hota in PDF.