Mujhe Zaman-o-makan Ki Hudud Mein Na Rakh

mujhe zaman-o-makan ki hudud mein na rakh

sada-o-saut ki andhi quyud mein na rakh

main tere harf-e-dua se bhi mawara hun miyan

mujhe tu apne salam-o-durud mein na rakh

kalim-e-waqt ke dar ko jabin tarasti hai

amir-e-shahr ke bekal sujud mein na rakh

nizam-e-qaisar-o-kisra ki main rawani hun

wajub-e-ain hun sahab shuhud mein na rakh

bichha yaqin ka musalla darun-e-hasti mein

niyaz-o-raaz ke qisse numud mein na rakh

pas-e-wajud jahan meri KHak hi to hai

rumuz-e-hasti-e-dauran warud mein na rakh

(706) Peoples Rate This

Your Thoughts and Comments

Mujhe Zaman-o-makan Ki Hudud Mein Na Rakh In English By Famous Poet Zulfiqar Naqvi. Mujhe Zaman-o-makan Ki Hudud Mein Na Rakh is written by Zulfiqar Naqvi. Read famous Poem Mujhe Zaman-o-makan Ki Hudud Mein Na Rakh for youth and Student by Zulfiqar Naqvi. Free Download Mujhe Zaman-o-makan Ki Hudud Mein Na Rakh in PDF.