Tere Jalal Se KHurshid Ko Zawal Hua

tere jalal se KHurshid ko zawal hua

tere jamal se mahtab ko kamal hua

KHiram-e-naz mein un ko ye kab KHayal hua

ki dil kisi ka pisa koi paemal hua

shabab se teri rangat ka turfa haal hua

sapid joDa jo pahna badan mein lal hua

jo wasl-e-yar ki tadbir ki visal hua

KHayal aish ka aaya to ek malal hua

hilal badar hua badar se hilal hua

yahan kamal kisi ka na be-zawal hua

hazaron saikDon paida hue hue napaid

na ek dam bhi zamane ko e'tidal hua

raqib qatl hua us ki tegh-e-abru se

haram-zada tha achchha hua halal hua

buton ka zulm kisi ne suna na mahshar mein

KHuda se bhi mera jhagDa na infisal hua

kiye hain KHun se kisi ke ye dast-o-pa rangin

shikar taza koi aaj kya halal hua

jalaya mujh ko to tujh ko bhi lag gaya dhabba

jigar pe dagh mere ruKH pe tere KHal hua

jo main junun mein gaya su-e-dasht ai 'agha'

to mujh ko dekh ke diwana har ghazal hua

(1517) Peoples Rate This

Your Thoughts and Comments

Tere Jalal Se KHurshid Ko Zawal Hua In English By Famous Poet Aagha Akbarabadi. Tere Jalal Se KHurshid Ko Zawal Hua is written by Aagha Akbarabadi. Read famous Poem Tere Jalal Se KHurshid Ko Zawal Hua for youth and Student by Aagha Akbarabadi. Free Download Tere Jalal Se KHurshid Ko Zawal Hua in PDF.