Mujhe Sire Se PakaD Kar UdheD Deti Hai
mujhe sire se pakaD kar udheD deti hai
main ek jhuT wo sachche subut jaisi hai
main roz roz tabassum mein chhupta phirta hun
udasi hai ki mujhe roz DhunDh leti hai
zarur kuchh to banaegi zindagi mujh ko
qadam qadam pe mera imtihan leti hai
jo ek phul khila hai sahar ki palkon par
tumhaare jism ki KHushbu usi ke jaisi hai
wo raushni jo sitaron ka KHas zewar hai
amiq aankhon mein akasr dikhai deti hai
Aalok Shrivastav 
(1557) Peoples Rate This