Dil Mein Hai Kya Azab Kahe To Pata Chale

dil mein hai kya azab kahe to pata chale

diwar KHamoshi ki Dhahe to pata chale

sab kuchh hi banTne ko chali aati kyun nadi

us ki tarah se koi bahe to pata chale

beTe tu jaanta nahin hai man ki ahmiyat

man ki tarah tu dard sahe to pata chale

kaise batae koi jiyo kaise zindagi

tu panchhiyon ke sath rahe to pata chale

pine ko pani bhi na ho roTi ki baat kya

neta-ji bhuk tu yun sahe to pata chale