Charagh-e-subh Jala Koi Na-shanasi Mein
charagh-e-subh jala koi na-shanasi mein
ek aur din ka izafa hua udasi mein
teri nazar ke ishaaron pe aaina na hua
ye dil ki taq bahut tha suKHan-shanasi mein
dikhai de na mujhe dahshat-e-jamal ke sath
nashat-e-ishq na kho jae bad-hawasi mein
junun rahin-e-qaba ho to is se puchhun bhi
ke kitna lutf mayassar tha be-libasi mein
na roz-e-abr-e-siyah tha na mahtab ki raat
gilas TuT gaya kaisi bad-hawasi mein
Abbas Tabish 
(1650) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544