Ye Hum Jo Hijr Mein Us Ka KHayal Bandhte Hain

ye hum jo hijr mein us ka KHayal bandhte hain

hawa ki shaKH se bu-e-visal bandhte hain

hamare bas mein kahan zist ko suKHan karna

ye qafiya faqat ahl-e-kamal bandhte hain

ye ahd-e-jeb-tarashan ko ab hua malum

yahan ke log girah mein sawal bandhte hain

wo KHub jaante hain ham-dua nihadon ko

hamare hath ba-waqt-e-zawal bandhte hain

sabhi ko shauq-e-asiri hai apni apni jagah

wo hum ko aur hum un ka KHayal bandhte hain

tumhein pata ho ki hum sahilon ke parwarda

mohabbaton mein bhi mazbut jal bandhte hain

phir us ke baad kahin bhi wo ja nahin sakta

jise bhi bandhte hain hum kamal bandhte hain

(1481) Peoples Rate This

Your Thoughts and Comments

Ye Hum Jo Hijr Mein Us Ka KHayal Bandhte Hain In English By Famous Poet Abbas Tabish. Ye Hum Jo Hijr Mein Us Ka KHayal Bandhte Hain is written by Abbas Tabish. Read famous Poem Ye Hum Jo Hijr Mein Us Ka KHayal Bandhte Hain for youth and Student by Abbas Tabish. Free Download Ye Hum Jo Hijr Mein Us Ka KHayal Bandhte Hain in PDF.