Ai Saqi-e-mah-wash Gham-e-dauran Nahin UThta
ai saqi-e-mah-wash gham-e-dauran nahin uThta
darwesh ke hujre se ye mehman nahin uThta
kahte the ki hai bar-e-do-alam bhi koi chiz
dekha hai to ab bar-e-gareban nahin uThta
kya mere safine hi ki dariya ko khaTak thi
kya baat hai ab kyun koi tufan nahin uThta
kis naqsh-e-qadam par hai jhuka roz-e-azal se
kis wahm mein sajde se bayaban nahin uThta
be-himmat-e-mardana masafat nahin kaTti
be-azm-e-musammam qadam aasan nahin uThta
yun uThti hain angDai ko wo marmarin banhen
jaise ki 'adam' taKHt-e-sulaiman nahin uThta
Abdul Hamid Adam 
(1332) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544