Mere Ghar Se Uski Yaadon Ke Makin Jate Nahin

mere ghar se us ki yaadon ke makin jate nahin

chhoD kar jaise shajar apni zamin jate nahin

tere dar se hi milega jo bhi milta hai hamein

hum tere dar ke alawa ab kahin jate nahin

tujh ko dekhe ek zamana ho gaya par kya kahin

aaj bhi dil se tere naqsh-e-hasin jate nahin

gham diye hain zindagi ne gham se mayusi nahin

chhoD kar ab zindagi ko hum kahin jate nahin

uDte phirte hain KHalaon mein sahabon ki tarah

ye wo nale hain ki jo zer-e-zamin jate nahin