But Yahan Milte Nahin Hain Ya KHuda Milta Nahin
but yahan milte nahin hain ya KHuda milta nahin
azm mustahkam to ho duniya mein kya milta nahin
ham-safiran-e-junun yun hum se aage baDh gae
qafila kya hai ghubar-e-qafila milta nahin
apni surat dekhna ho apne dil mein dekhiye
dil sa duniya mein koi bhi aaina milta nahin
de diya hai aap ko dil ab hifazat kijiye
har KHazane mein ye lal-e-be-baha milta nahin
DhunDhta phirta hai mujh ko kyun fareb-e-rang-o-bu
main wahan hun KHud jahan apna pata milta nahin
Abdullateef Shauq 
(1032) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544