Roz Wahshat Koi Nai Mere Dost
roz wahshat koi nai mere dost
is ko kahte hain zindagi mere dost
alam ehsas aagahi mere dost
sari baaten hain kaghzi mere dost
dekh izhaariye badal gae hain
ye hai ikkiswin sadi mere dost
kya charaghon ka tazkira karna
raushni ghuT ke mar gai mere dost
han kisi alamiye se kam kahan hai
meri haalat teri hansi mere dost
sath dene ki baat sare karen
aur nibhae koi koi mere dost
itni galiyan ug aain basti mein
bhul baiTha teri gali mere dost
lazmi hai KHirad ki bedari
nind lekin kabhi kabhi mere dost
Abdurrahman Wasif 
(1078) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544