Tumne Jab Ghar Mein Andheron Ko Bula Rakkha Hai

tum ne jab ghar mein andheron ko bula rakkha hai

uTh ke so jao ki darwaze pe kya rakkha hai

har kisi shaKHs ke rone ki sada aati hai

phir kisi shaKHs ne basti ko jaga rakkha hai

apni KHatir bhi koi lafz tarashen yaro

hum ne kis waste yun KHud ko bhula rakkha hai

dekhne ko hai badan aur haqiqat ye hai

ek malba hai jo muddat se uTha rakkha hai

tu agar tha to bahut dur the hum tujh se ki ab

tu nahin hai to tujhe pas biTha rakkha hai

hum kisi tarah tujhe DhunD len mumkin hi nahin

tu ne har rah ko sahra se mila rakkha hai

(908) Peoples Rate This

Your Thoughts and Comments

Tumne Jab Ghar Mein Andheron Ko Bula Rakkha Hai In English By Famous Poet Abid Almi. Tumne Jab Ghar Mein Andheron Ko Bula Rakkha Hai is written by Abid Almi. Read famous Poem Tumne Jab Ghar Mein Andheron Ko Bula Rakkha Hai for youth and Student by Abid Almi. Free Download Tumne Jab Ghar Mein Andheron Ko Bula Rakkha Hai in PDF.