Be-tamanna Hun KHasta-jaan Hun Main

be-tamanna hun KHasta-jaan hun main

ek ujDa hua makan hun main

jang to ho rahi hai sarhad par

apne ghar mein lahuluhan hun main

gham-o-alam bhi hain mujh ko aziz

qadr-danon ka qadr-dan hun main

zabt tahzib hai mohabbat ki

wo samajhte hain be-zaban hun main

lab pe iKHlas hath mein KHanjar

kaise yaron ke darmiyan hun main

chhed hi chhed hain faqat jis mein

aisi kashti ka baadban hun main

jo kisi ko bhi aaj yaad nahin

bhuli-bisri wo dastan hun main

ya giran-gosh hai nagar ka nagar

ya kisi dasht mein azan hun main

shairi ho ki aashiqi 'abid'

har riwayat ka pasban hun main

(948) Peoples Rate This

Your Thoughts and Comments

Be-tamanna Hun KHasta-jaan Hun Main In English By Famous Poet Abid Munavari. Be-tamanna Hun KHasta-jaan Hun Main is written by Abid Munavari. Read famous Poem Be-tamanna Hun KHasta-jaan Hun Main for youth and Student by Abid Munavari. Free Download Be-tamanna Hun KHasta-jaan Hun Main in PDF.