AaKHiri Din Se Pahle

bahut din rah liya ku-e-nadamat mein

hazimat ke bahut se war hum ne sah liye

tera ye shahr shahr-e-jaan nahin hai

tere is shahr mein ab aur kya rahna

hamare KHwab

tere KHar-o-KHas mein the

hamare lafz

teri pesh-o-pas mein the

ki hum har sans

teri dastaras mein the

tere ujle dinon se

hum ko kya hissa milega

gada ke hath mein

TuTa hua kasa rahega

hamesha ke liye shayad

yahi qissa rahega

ab is dhoke mein kya rahna

bahut din rah liya ku-e-nadamat mein