Yaad-e-KHuda Kar Bande Yun Nahaq Umr Kun Khona Kya
yaad-e-KHuda kar bande yun nahaq umr kun khona kya
haq chaha sui kuchh hoga un logon sin hona kya
koi shah kui gada kahawe jaisa jis ka bana nasib
jo kuchh hua tisi pe KHush rah nan in logon sen hona kya
sair safar kar dekh tamasha qudarat ka sab aalam ka
ghar kun jhonk bhaD ke bhitar aashiq ho kar kona kya
jaan mamola jagat piyara jin dekha so ThiThak raha
chanchal nipaT achile nainan tan ke aage mirig chhuna kya
dagh ke haikal anjhuwan ki mala zinat-e-ishq ki yahi nishani
phiren mast jo birah ke tan kun moti lal pirona kya
aaj 'abru' dil kun hamare shauq ne us ke magan kiya hai
jag anaDi dekh tamasha ishq laga tab sona kya
Abroo Shah Mubarak 
(810) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544