Zindagi KHak-basar Shola-ba-jaan Aaj Bhi Hai
zindagi KHak-basar shola-ba-jaan aaj bhi hai
tujh ko kho kar tujhe pane ka guman aaj bhi hai
ek be-nam si uljhan hai dil-o-jaan pe muhit
ek gham nam sa ehsas-e-ziyan aaj bhi hai
KHak se ta-ba-falak teri nigahon ka tilism
Thahra Thahra sa jahan-e-guzaran aaj bhi hai
tark-e-ulfat mein bhi ulfat ke nishan baqi hain
qafila luT ke teri samt rawan aaj bhi hai
kitne saqi hain ki hain jam-ba-kaf kal ki tarah
shughl-e-mai hai ki 'sahar' bar-e-garan aaj bhi hai
Abu Mohammad Sahar 
(977) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544