Ek Aaina Ru-ba-ru Hai Abhi

ek aaina ru-ba-ru hai abhi

us ki KHushbu se guftugu hai abhi

wahi KHana-ba-dosh ummiden

wahi be-sabr dil ki KHu hai abhi

dil ke gunjaan raston pe kahin

teri aawaz aur tu hai abhi

zindagi ki tarah KHiraj-talab

koi darmanda aarzu hai abhi

bolte hain dilon ke sannaTe

shor sa ye jo chaar-su hai abhi

zard patton ko le gai hai hawa

shaKH mein shiddat-e-numu hai abhi

warna insan mar gaya hota

koi be-nam justuju hai abhi

ham-safar bhi hain rahguzar bhi hai

ye musafir hi ku-ba-ku hai abhi

(1046) Peoples Rate This

Your Thoughts and Comments

Ek Aaina Ru-ba-ru Hai Abhi In English By Famous Poet Ada Jafri. Ek Aaina Ru-ba-ru Hai Abhi is written by Ada Jafri. Read famous Poem Ek Aaina Ru-ba-ru Hai Abhi for youth and Student by Ada Jafri. Free Download Ek Aaina Ru-ba-ru Hai Abhi in PDF.