Jaga Junun Ko Zara Naqsha-e-muqaddar Khinch
jaga junun ko zara naqsha-e-muqaddar khinch
nai sadi ko nai karbala se bahar khinch
main zehni taur se aazad hone lagta hun
mere shuur mujhe apni had ke andar khinch
nai zamin lahu ka KHiraj leti hai
dayar-e-ghair mein bhi KHushnuma sa manzar khinch
udas raat mein tare gawah bante hain
rag-e-hubab se tu qatilana KHanjar khinch
abhi sitaron mein baqi hai zindagi ki ramaq
kuchh aur der zara narm garm chadar khinch
wajud-e-shahr to jangal mein Dhal chuka 'alam'
ab is jagah se mujhe jaanib-e-samundar khinch
Afroz Alam 
(900) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544