Sarishk-e-gham Ki Rawani Thami Hai Mushkil Se
sarishk-e-gham ki rawani thami hai mushkil se
jo baat kahni thi un se kahi hai mushkil se
na jaane ahl-e-junun par ab aur kya guzre
abhi to fasl-e-bahaaran kaTi hai mushkil se
shab-e-firaq na puchho ki kis tarah guzri
sahar hui to hai lekin hui hai mushkil se
laga hua hai ye dhaDka ki bujh na jae kahin
hawa mein sham-e-mohabbat jali hai mushkil se
kahan thi manzil-e-maqsud apni qismat mein
kisi ki rahguzar bhi mili hai mushkil se
Afsar Mahpuri 
(806) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544