Kahun Jo Karb Faqat Karb-e-zat Samjhoge
kahun jo karb faqat karb-e-zat samjhoge
magar kabhi to meri nafsiyat samjhoge
ye umr jao bhi do chaar din ki kya hai bisat
abhi kahan se gham-e-kaenat samjhoge
mera wajud sila hai meri shikaston ka
bigaD bigaD ke banoge to baat samjhoge
abhi to jumbish-e-lab par hazar pahre hain
jo lab khule bhi to kya dil ki baat samjhoge
idhar na aao ab is shahar mein ujalon ke
wo tirgi hai ki din ko bhi raat samjhoge
Aftab Arif 
(666) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544