Dekhe Koi Talluq-e-KHatir Ke Rang Bhi

dekhe koi talluq-e-KHatir ke rang bhi

us fitna-KHu se pyar bhi hai aur jang bhi

dil hi nahin hai us ke tasawwur mein shad-kaam

ek sarKHushi mein jhumta hai ang ang bhi

kuchh rabt-e-KHas asl ka zahir ke sath hai

KHushbu uDe to uDta hai phulon ka rang bhi

aisa nahin ki aaTh pahar be-dili rahe

bajte hain gham-kade mein kabhi jal-tarang bhi

dekha hai aaj us ne mujhe muD ke 'aftab'

is waqiye pe KHush bhi hun main aur dang bhi

(745) Peoples Rate This

Your Thoughts and Comments

Dekhe Koi Talluq-e-KHatir Ke Rang Bhi In English By Famous Poet Aftab Hussain. Dekhe Koi Talluq-e-KHatir Ke Rang Bhi is written by Aftab Hussain. Read famous Poem Dekhe Koi Talluq-e-KHatir Ke Rang Bhi for youth and Student by Aftab Hussain. Free Download Dekhe Koi Talluq-e-KHatir Ke Rang Bhi in PDF.