Rah Bhola Hun Magar Ye Meri KHami To Nahin
rah bhola hun magar ye meri KHami to nahin
main kahin aur se aaya hun maqami to nahin
uncha lahja hai faqat zor-e-dalael ke liye
ai meri jaan ye meri talKH-kalami to nahin
un daraKHton ko dua do ki jo raste mein na the
jaldi aane ka sabab tez-KHirami to nahin
teri masnad pe koi aur nahin aa sakta
ye mera dil hai koi KHali asami to nahin
main hama-waqt mohabbat mein paDa rahta tha
phir kisi dost se puchha ye ghulami to nahin
bartari itni bhi apni na jata ai mere ishq
tu 'nadim'-o-'zaki' o 'kashif'-o-'kaami' to nahin
Afzal Khan 
(1148) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544