To Phir Wo Ishq Ye Naqd-o-nazar Barae-faroKHt
to phir wo ishq ye naqd-o-nazar barae-faroKHt
suKHan barae-hunar hai hunar barae-faroKHt
ayan kiya hai tera raaz fi-sabilillah
KHabar na thi ki hai ye bhi KHabar barae-faroKHt
main qafile se bichhaD kar bhala kahan jaun
sajae baiTha hun zad-e-safar barae-faroKHt
parinde laD hi paDe jaedad par aaKHir
shajar pe likkha hua hai shajar barae-faroKHt
main pahle kufa gaya is ke baad misr gaya
idhar barae-shahadat udhar barae-faroKHt
zara ye dusra misra durust farmaen
mere makan pe likkha hai ghar barae-faroKHt
Afzal Khan 
(1253) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544