MiTte Hue Nuqush-e-wafa Ko Ubhaariye
miTte hue nuqush-e-wafa ko ubhaariye
chehron pe jo saja hai mulamma utariye
milna agar nahin hai to zaKHmon se faeda
chhup kar mujhe KHayal ke patthar na mariye
koi to sarzanish ke liye aae is taraf
baiThe hue hain dil ke makan mein juwariye
hathon pe nachti hai abhi maut ki lakir
jaise bhi ho ye zist ki bazi na haariye
shikwa na kijiye abhi apne nasib ka
sanson ki tez aanch pe har shab guzariye
mismar ho gai hain falak-bos chahaten
shahar-e-jafa se ab na mujhe yun pukariye
phulon se tazgi ki hararat ko chhin kar
mausam ke zahr ke liye gulshan sanwariye
ruswaiyon ka hoga na ab samna kabhi
jaldi se aarzu ko lahad mein utariye
'afzal' ye tirgi ke musafir kahan chale
ji chahta hai in pe kai chand mariye
Afzal Minhas 
(1063) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544