Karzar-e-ishq-o-sar-masti Mein Nusrat-yab Hon
karzar-e-ishq-o-sar-masti mein nusrat-yab hon
wo jununi dar tak jaane ko jo betab hun
kohsaron par sawa-neze pe suraj aae to
choTiyon ki barf pighle wadiyan sairab hon
dusre sahil pe koi sohni ho muntazir
hum mahinwalon ke aage bahr bhi payab hun
aafiyat pate hain KHwabon ke hasin bahron mein log
jab har ek mauj-e-haqaeq mein nihan girdab hon
Afzal Parvez 
(765) Peoples Rate This