Pech Rakhte Ho Bahut Sahibo Dastar Ke Bich
pech rakhte ho bahut sahibo dastar ke bich
hum ne sar girte hue dekhe hain bazar ke bich
baghbanon ko ajab ranj se takte hain gulab
gul-farosh aaj bahut jama hain gulzar ke bich
qatil is shahr ka jab banT raha tha mansab
ek darwesh bhi dekha usi darbar ke bich
kaj-adaon ki inayat hai ki hum se ushshaq
kabhi diwar ke pichhe kabhi diwar ke bich
tum ho na-KHush to yahan kaun hai KHush phir bhi 'faraaz'
log rahte hain isi shahr-e-dil-azar ke bich
Ahmad Faraz 
(3269) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544