Id-card
tujh se bichhaD kar bhi zinda tha
mar mar kar ye zahr piya hai
chup rahna aasan nahin tha
barson dil ka KHun kiya hai
jo kuchh guzri jaisi guzri
tujh ko kab ilzam diya hai
apne haal pe KHud roya hun
KHud hi apna chaak siya hai
kitni jaankahi se main ne
tujh ko dil se mahw kiya hai
sannaTe ki jhil mein tu ne
phir kyun patthar phenk diya hai
Ahmad Faraz 
(4287) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544