TaKHliq

dard ki aag bujha do ki abhi waqt nahin

zaKHm-e-dil jag sake nashtar-e-gham raqs kare

jo bhi sanson mein ghula hai use uryan na karo

chup bhi shola hai magar koi na ilzam dhare

aise ilzam ki KHud apne tarashe hue but

jazba-e-kawish-e-KHaliq ko nigun-sar karen

mu-qalam halqa-e-abru ko bana de KHanjar

lafz nauhon mein raqam madh-e-ruKH-e-yar karen

raqs-e-mina se uThe naghma-e-raqs-e-bismil

saz KHud apne mughanni ko gunahgar karen

marham-e-ashk nahin zaKHm-e-talab ka chaara

KHun bhi rooge to kis KHak ki saj-dhaj hogi

kanpte hathon se TuTi hui buniyaadon par

jo bhi diwar uThaoge wahi kaj hogi

koi patthar ho ki naghma koi paikar ho ki rang

jo bhi taswir banaoge apahaj hogi

(1947) Peoples Rate This

Your Thoughts and Comments

TaKHliq In English By Famous Poet Ahmad Faraz. TaKHliq is written by Ahmad Faraz. Read famous Poem TaKHliq for youth and Student by Ahmad Faraz. Free Download TaKHliq in PDF.