Parda-e-mahmil UThe To Raaz-e-virana Khule
parda-e-mahmil uThe to raaz-e-virana khule
raaz-e-virana khule tab ja ke diwana khule
bar-e-haft-aflak bhi is na-tawan shane pe hai
zulf se kahna ki aahista sar-e-shana khule
qamat-e-parwana qadd-e-shama se kam hai abhi
kimiya ho le zara to qad-e-parwana khule
jab tilism-e-aina KHud ho naqab-e-aina
chashm par kaise hijab-e-aina-KHana khule
is qadar mai us ke paimane mein aati jaegi
jis qadar bhi jis pe tah-dari-e-paimana khule
aajizi o ustuwari masti o waraftagi
kis pe ab juz-shama betabi-e-parwana khule
sab pe khulne ki hamein hi aarzu shayad na thi
ek do honge ki hum jin par faqirana khule
Ahmad Fareed 
(915) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544