Qibla-e-ab-o-gil Tumhin To Ho
qibla-e-ab-o-gil tumhin to ho
kaba-e-jaan-o-dil tumhin to ho
la-makan dur dil bahut nazdik
munfasil muttasil tumhin to ho
mere pahlu mein dil na kyun ho KHush
dil ke pahlu mein dil tumhin to ho
tum se mil kar KHajil hamin to hain
hum se chhuT kar KHajil tumhin to ho
dil ki saKHti ka hai gila tum se
jis ne rakkhi ye sil tumhin to ho
jite ji mujh ko mar Dalo tum
malik jaan-o-dil tumhin to ho
tum ko 'mail' bahut hai sharm-e-gunah
raat-din munfail tumhin to ho
Ahmad Husain Mail 
(684) Peoples Rate This