Dana-e-gandum-e-bedar UThane Laga Hun
dana-e-gandum-e-bedar uThane laga hun
KHak hun KHak ka aazar uThane laga hun
kurra-e-hijr se hona hai numudar mujhe
main tere ishq ka inkar uThane laga hun
lau ne sardar kiye rakkha hai shab bhar tum ko
ai charagho main ye dastar uThane laga hun
ye khuli jang hai aur jang bhi hai apne KHilaf
is liye apne taraf-dar uThane laga hun
ek aawaz meri nind uDa deti hai
ibn-e-adam tere aasar uThane laga hun
Ahmad Kamran 
(730) Peoples Rate This