Apna Socha Hua Agar Ho Jae

apna socha hua agar ho jae

ek aalam hamare sar ho jae

shor dasht-e-sukut mein kam hai

ai hawa tu hi tez-tar ho jae

na karenge wo ruKH idhar apna

chahe duniya idhar-udhar ho jae

dard aawaz rafta rafta bane

aah-e-shab nala-e-sahar ho jae

kitni rahen khuli hain apne liye

dekhiye kab kidhar safar ho jae

is liye hoshiyar rahta hun

kya KHabar kab wo be-KHabar ho jae

(689) Peoples Rate This

Your Thoughts and Comments

Apna Socha Hua Agar Ho Jae In English By Famous Poet Ahmad Mahfuz. Apna Socha Hua Agar Ho Jae is written by Ahmad Mahfuz. Read famous Poem Apna Socha Hua Agar Ho Jae for youth and Student by Ahmad Mahfuz. Free Download Apna Socha Hua Agar Ho Jae in PDF.