Kabhi KHwahish Na Hui Anjuman-arai Ki
kabhi KHwahish na hui anjuman-arai ki
koi karta hai hifazat meri tanhai ki
main to gum apne nashe mein tha mujhe kya malum
kis ne munh pher liya kis ne pazirai ki
wo taghaful bhi na tha aur tawajjoh bhi na thi
kabhi Toka na kabhi hausla-afzai ki
hichkiyan sham-e-shafaq-tab ki thamti hi na thin
ab bhi ruk ruk ke sada aati hai shahnai ki
hum se pahle bhi suKHnawar hue kaise kaise
hum ne bhi thoDi bahut qafiya-paimai ki
Ahmad Mushtaq 
(1279) Peoples Rate This