Sham-e-gham Yaad Hai Kab Shama Jali Yaad Nahin
sham-e-gham yaad hai kab shama jali yaad nahin
kab wo ruKHsat hue kab raat Dhali yaad nahin
dil se bahte hue pani ki sada guzri thi
kab dhundlaka hua kab naw chali yaad nahin
ThanDe mausam mein pukara koi hum aate hain
jis mein hum khel rahe the wo gali yaad nahin
in mazafat mein chhup chhup ke hawa chalti thi
kaise khilti thi mohabbat ki kali yaad nahin
jism-o-jaan Dub gae KHwab-e-faramoshi mein
ab koi baat buri ho ki bhali yaad nahin
Ahmad Mushtaq 
(835) Peoples Rate This