Ye Kaun KHwab Mein Chhu Kar Chala Gaya Mere Lab
ye kaun KHwab mein chhu kar chala gaya mere lab
pukarta hun to dete nahin sada mere lab
ye aur baat kisi ke labon talak na gae
magar qarib se guzre hain bar-ha mere lab
ab us ki shakl bhi mushkil se yaad aati hai
wo jis ke nam se hote na the juda mere lab
ab ek umar se guft-o-shunid bhi to nahin
hain be-nasib mere kan be-nawa mere lab
ye shaKHsana-e-wahm-o-guman tha shayad
kuja wo samra-e-bagh-e-talab kuja mere lab
Ahmad Mushtaq 
(842) Peoples Rate This