Dil Pe Jab Dard Ki Uftad PaDi Hoti Hai
dil pe jab dard ki uftad paDi hoti hai
dosto wo to qayamat ki ghaDi hoti hai
jis taraf jaen jahan jaen bhari duniya mein
rasta roke teri yaad khaDi hoti hai
jis ne mar mar ke guzari ho ye us se puchho
hijr ki raat bhala kitni kaDi hoti hai
hanste honTon se bhi jhaDte hain fasane gham ke
KHushk aankhon mein bhi sawan ki jhaDi hoti hai
jab koi shaKHs kahin zikr-e-wafa karta hai
dil ko ai dosto taklif baDi hoti hai
is tarah baiThe hain wo aaj meri mahfil mein
jis tarah shishe mein taswir jaDi hoti hai
Ahmad Rahi 
(860) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544