Lab-e-goya

ab to shayad isi andaz se jina hoga

us ke har zulm ko be-dad ko chup-chap sahen

yun to kahne ko bahut kuchh hai magar aaThon pahar

ek yahi fikr hai kis tarah kahen kis se kahen

dekhti aankhon se hum se to ye hoga na kabhi

is bhari bazm mein hum surat-e-taswir rahen

baat kahne ka jo anjam hua karta hai

aashkara hai kisi se bhi to mastur nahin

wo jo aaqaon ke dastur ko Thukra ke baDhen

wadi-e-dar-o-rasan un se koi dur nahin

hum bhi shayad usi manzil mein pahunch kar dam len

dahr mein ghalba-e-zulmat hamein manzur nahin

qaid kya shai hai salasil ki haqiqat kya hai

jism paband sahi fikr to mahsur nahin

dil mein jo baat khaTakti ho agar dil mein rahe

maslahat-keshi hai ye shewa-e-mansur nahin

(905) Peoples Rate This

Your Thoughts and Comments

Lab-e-goya In English By Famous Poet Ahmad Rahi. Lab-e-goya is written by Ahmad Rahi. Read famous Poem Lab-e-goya for youth and Student by Ahmad Rahi. Free Download Lab-e-goya in PDF.