Phul KHushbu Un Pe UDti Titliyon Ki KHair Ho
phul KHushbu un pe uDti titliyon ki KHair ho
sab ke aangan mein chahakti beTiyon ki KHair ho
jitne miThe lahje hain sab git honge ek din
miThe lahjon se mahakti boliyon ki KHair ho
chunriyon mein KHwab le kar chal paDi hain beTiyan
in parae des jati Doliyon ki KHair ho
barishon ke shor mein kyun jagte hain dard bhi
sehn-e-jaan mein raqs karti badliyon ki KHair ho
raKHt-e-dil ko tham kar wo aa gai hain ret par
KHwahishon ki KHair ho un pagliyon ki KHair ho
ab kabutar faKHtaen ja chuki hain ganw se
ai KHudawand peD ki aur bastiyon ki KHair ho
raat hai 'babar' khaDi sailab ka bhi zor hai
sahilon ki manjhiyon ki kashtiyon ki KHair ho
Ahmad Sajjad Babar 
(1168) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544