Sara Aalam Dhuan Dhuan Kyun Hai
sara aalam dhuan dhuan kyun hai
har taraf aah aur fughan kyun hai
band hai aaj kya dar-e-rahmat
har dua meri raegan kyun hai
pi liya kya sitam ne aab-e-hayat
KHauf se band har zaban kyun hai
sath chalti hai mere har jaanib
is qadar barq mehrban kyun hai
aa ke sahil pe kaun Dub gaya
mauj ki har ada jawan kyun hai
jism hai ruh mar chuki kab ki
marg pe zist ka guman kyun hai
jab fana hi nasib hai sab ka
phir ye hangama-e-jahan kyun hai
Ahmad Shahid Khan 
(889) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544