Duniya Se Har Rishta ToDa KHud Se Ru-gardani Ki

duniya se har rishta toDa KHud se ru-gardani ki

sirf tumhaara dhyan rakha aur jine mein aasani ki

majnun aur farhad hue jab ishq mein sab barbaad hue

tab jangal ne kuch kiya sahra ne naql-e-makani ki

us ki mohni surat jaise phulon ka aameza hai

aur us ki aawaz hai goya re-ga-ma-pa-dhani ki

bhuli-bisri yaad ne jab daryaft kiya ahwal mera

dil ne zaKHm kalam kiya aankhon ne ashk-bayani ki

ilm ka dam bharna chhoDo bhi aur amal ko bhul bhi jao

aaina-KHane mein ho sahib fikr karo hairani ki

(710) Peoples Rate This

Your Thoughts and Comments

Duniya Se Har Rishta ToDa KHud Se Ru-gardani Ki In English By Famous Poet Ahmad Shahryar. Duniya Se Har Rishta ToDa KHud Se Ru-gardani Ki is written by Ahmad Shahryar. Read famous Poem Duniya Se Har Rishta ToDa KHud Se Ru-gardani Ki for youth and Student by Ahmad Shahryar. Free Download Duniya Se Har Rishta ToDa KHud Se Ru-gardani Ki in PDF.