Zehn Ka Safar Tanha Dil Ki Rahguzar Tanha
zehn ka safar tanha dil ki rahguzar tanha
aadmi hua yaro aaj kis qadar tanha
muqtadir sahaaron ki har qadam pe hajat hai
kab maqam pata hai apna ye hunar tanha
phir mujhe Daraengi KHamushi ki aawazen
phir mujhe hai tai karna raat ka safar tanha
jis ke sae ne hum ko barha panahen din
aaj bhi khaDa hai wo rah mein shajar tanha
daur-e-be-niyazi mein kaun kis ko puchhe hai
bhiD mein bhi pata hai KHud ko har bashar tanha
Ahsan Rizvi Danapuri 
(674) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544