Ji Rahe Hain Aafiyat Mein To Hunar KHwabon Ka Hai
ji rahe hain aafiyat mein to hunar KHwabon ka hai
ab bhi lagta hai ki ye sara safar KHwabon ka hai
ji laga rakkha hai yun tabir ke auham se
zindagi kya hai miyan bas ek ghar KHwabon ka hai
raat chalti rahti hai aur jalta rahta hai charagh
ek bujhta hai to phir naqsh-e-digar KHwabon ka hai
rang bazar-e-KHirad ka aur ye mera junun
ek sitara gumbad-e-aflak par KHwabon ka hai
raat ka dariya aur us mein ek tufan-e-muhib
jagna hai der tak ye bhi asar KHwabon ka hai
warna kaT jate hain roz o shab zamane ki tarah
jo bhi thoDa ya bahut samjho to Dar KHwabon ka hai
Ain Tabish 
(740) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544