Ashkon Se Kab MiTe Hain Daman Ke Dagh Yaro
ashkon se kab miTe hain daman ke dagh yaro
aise nahin bujhenge gham ke charagh yaro
har aadmi ke qad se us ki qaba baDi hai
suraj pahan ke nikle dhundle charagh yaro
un mein KHayal-e-nau ke kaise ugenge paude
banjar hain mazhabon se jin ke dimagh yaro
roz-e-azal se insan hai khoj mein KHuda ki
kis ko mila hai lekin us ka suragh yaro
aankhon mein ab na aansu dil mein bhi gham nahin hai
kab ke chhalak chuke hain sare ayagh yaro
Ajay Sahaab 
(763) Peoples Rate This