Is Chaman Ka Ajib Mali Hai

is chaman ka ajib mali hai

jis ne har shaKH kaT Dali hai

din ujala ganwa ke baiTh gaya

raat ne raushni chura li hai

gham ki ismat bachchi hui thi magar

waqt ne wo bhi raund Dali hai

moajiza ho jo bach nikal jae

panch shahbaz ek lali hai

ye tera adl kya hua yarab

koi adna hai koi aali hai

aankh mein chubh gae kai manzar

ab kahan nind aane wali hai

pahle waqton mein ho to ho shayad

dosti ab hasin gali hai

KHema-e-zabt ki tanaben khinch

kuchh ghaTa si barasne wali hai

chalte rahna kaThin hua 'hasrat'

panw zaKHmi hain raat kali hai

(1025) Peoples Rate This

Your Thoughts and Comments

Is Chaman Ka Ajib Mali Hai In English By Famous Poet Ajeet Singh Hasrat. Is Chaman Ka Ajib Mali Hai is written by Ajeet Singh Hasrat. Read famous Poem Is Chaman Ka Ajib Mali Hai for youth and Student by Ajeet Singh Hasrat. Free Download Is Chaman Ka Ajib Mali Hai in PDF.