Jo Ashk Barsa Rahe Hain Sahib

jo ashk barsa rahe hain sahib

ye raegan ja rahe hain sahib

yahi taghayyur to zindagi hai

abas ghule ja rahe hain sahib

jo ho gaya hai so ho gaya hai

fuzul pachhta rahe hain sahib

ye sirf ginti ke chaar din hain

baDe maze aa rahe hain sahib

abhi to ye KHak ho rahega

jo jism chamka rahe hain sahib

koi irada na koi jada

kahan kidhar ja rahe hain sahib

idhar zara ghaur se to dekhen

ye phul murjha rahe hain sahib

jahan ki nayaft ke sabab mein

jahan ka gham kha rahe hain sahib

ye main nahin hun ye mera dil hai

ye kis ko samjha rahe hain sahib

sukun ki nind soiyega

wo din bhi bas aa rahe hain sahib

jo aap ke hijr mein mile hain

ye din gine ja rahe hain sahib

bas ab nahin kuchh bhi yaad mujh ko

bas aap yaad aa rahe hain sahib

(484) Peoples Rate This

Your Thoughts and Comments

Jo Ashk Barsa Rahe Hain Sahib In English By Famous Poet Ajmal Siraj. Jo Ashk Barsa Rahe Hain Sahib is written by Ajmal Siraj. Read famous Poem Jo Ashk Barsa Rahe Hain Sahib for youth and Student by Ajmal Siraj. Free Download Jo Ashk Barsa Rahe Hain Sahib in PDF.