Ishq-e-but Mein Kufr Ka Mujhko Adab Karna PaDa
ishq-e-but mein kufr ka mujh ko adab karna paDa
jo barhaman ne kaha aaKHir wo sab karna paDa
sabr karna furqat-e-mahbub mein samjhe the sahl
khul gaya apni samajh ka haal jab karna paDa
tajrabe ne hubb-e-duniya se sikhaya ehtiraaz
pahle kahte the faqat munh se aur ab karna paDa
shaiKH ki majlis mein bhi muflis ki kuchh pursish nahin
din ki KHatir se duniya ko talab karna paDa
kya kahun be-KHud hua main kis nigah-e-mast se
aql ko bhi meri hasti ka adab karna paDa
iqtiza fitrat ka rukta hai kahin ai ham-nashin
shaiKH-sahib ko bhi aaKHir kar-e-shab karna paDa
aalam-e-hasti ko tha madd-e-nazar katman-e-raaz
ek shai ko dusri shai ka sabab karna paDa
sher ghairon ke use mutlaq nahin aae pasand
hazrat-e-'akbar' ko bil-aKHir talab karna paDa
Akbar Allahabadi 
(1009) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544