Wazn Ab Un Ka Muayyan Nahin Ho Sakta Kuchh
wazn ab un ka muayyan nahin ho sakta kuchh
barf ki tarah musalman ghule jate hain
dagh ab un ki nazar mein hain sharafat ke nishan
nai tahzib ki maujon se dhule jate hain
ilm ne rasm ne mazhab ne jo ki thi bandish
TuTi jati hai wo sab band khule jate hain
shaiKH ko wajd mein lai hain piyanon ki gaten
pech dastar-e-fazilat ke khule jate hain
Akbar Allahabadi 
(976) Peoples Rate This