Aah Ai Sauda-e-KHam-e-arzu
aah ai sauda-e-KHam-e-arzu
ta-ba-kai aaKHir nizam-e-arzu
zabt-e-ah-e-dil-shikan aur main hazin
kar raha hun ehtiram-e-arzu
hoshiyar ai infial-e-kaif-za
husn tak pahuncha payam-e-arzu
chashm-e-lutf-agin nae andaz se
le rahi hai intiqam-e-arzu
ahl-e-dil zinda hain kis ummid par
nazm-e-duniya hai nizam-e-arzu
yas ki gunjaishen kis dil mein hain
le raha hai kaun nam-e-arzu
bazm-e-anjum jab sarapa-gosh thi
kash tum sunte payam-e-arzu
aah ab KHuddari-e-akbar kahan
ho gai wo bhi ghulam-e-arzu
Akbar Haidri 
(759) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544