Kai Aawazon Ki Aawaz Hun Main
kai aawazon ki aawaz hun main
ghazal ke waste eazaz hun main
kai harfon se mil kar ban raha hun
bajae lafz ke alfaz hun main
meri aawaz mein surat hai meri
ki apne saz ki aawaz hun main
bahut fitri tha tera harf-e-inkar
tera gham-KHwar hun dam-saz hun main
kahin to harf-e-aKHir hun main 'akbar'
kisi ka nuqta-e-aghaz hun main
Akbar Hameedi 
(827) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544