Ye Sare Phul Ye Patthar Usi Se Milte Hain
ye sare phul ye patthar usi se milte hain
to ai aziz hum aksar usi se milte hain
KHuda gawah ki un mein wahi halakat hai
ye tegh-o-tir ye KHanjar usi se milte hain
wo ek bar nahin hai hazar bar hai wo
so hum usi se bichhaD kar usi se milte hain
bichha hua hai wo goya bisat ki surat
ye sab safed-o-siyah ghar usi se milte hain
ye dhup chhanw ye aab-e-rawan ye abr ye phul
ye aasman ye kabutar usi se milte hain
ye KHas saz-e-azal se wo dajla-e-ahang
ye nil-o-zamzam-o-kausar usi se milte hain
ye motiya ye chameli ye mogra ye gulab
ye sare gahne ye zewar usi se milte hain
aqiq gauhar-o-almas nilam-o-yaqut
ye sab nagine ye kankar usi se milte hain
Akbar Masoom 
(1379) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544